එනුමැන ලොකුඅම්මේ......

එනුමැන ලොකුඅම්මේ....


සිතට දැනේ මට තනිකම
හදට දැනේ ඒ හිස් බව
ඔබ නැති ඒ හිස් බව
දැනේ අදත් මට එලෙසම
නික්ම ගොසින් ඔබ අප හැර
තෙවස පිරුනි නොදැනිම
නමුත් එදාමෙන් අදටද
ඔබේ අඩුව නැත නැති වී...
සොයුරියක විය ,යෙහෙළියක විය
දෙවෙනි මවක විය
ඔබ මා හට
සිතනු නොහැක මේ මා හට
කෙලෙස හැර ගියේ ඔබ අප සැම..
දයා ගුණය,කරුණා ගුණයද
ඔබෙන් උගත දේ නිම් නැත
කියා දෙන්න යළිත් ඒ දේ අපහට
මකා දමන්නට මේ හිස්බව
එළිය කරන්නට අප ජීවන මඟ
නැවත ඉපිද අප අතරට
අපේම වී අප වෙත
එනුමැන ලොකුඅම්මේ..........

කැන්ඩී..

මේක පළමුවෙනි Post එකයි.
මගේ ජීවිතයේ මගේ අම්මාට ඇරුනාම මම වැඩියෙන්ම ආදරය කළ පුද්ගලයා වුනේ ලොකුඅම්මායි.
ඉතින් මගේ පළමුවෙනි පෝස්ට් එකෙන් මගේ ලොකුඅම්මා මතක් වුන වෙලාවක මම ලියපු මේ මේ පද පෙළ පළකරන්න හිතුනා...
මම කවි නිසදැස් ලියන්න ඒ තරම් දක්ෂ කෙනෙක් නෙවෙයි.
ඒක නිසා මම ලියලා තියෙන දෙයෙහි අඩු පාඩුවක් තියෙනවා නම් ඒක මට කියලා Comment එකක් දාලා යන්න අමතක කරන්න එපා....
ඔබේ අදහස් මට ශක්තියක් මට ආශිර්වාදයක්....

Posted in: නිසඳැස්.., මගේ නිර්මාණ..